👉📝આ લેખમાં આપણે મુદ્રા લોન લેવાના ફાયદા અને નુકસાન વિશે વિગતવાર માહિતી મેળવીશું. ભારત સરકાર દ્વારા શરૂ કરવામાં આવેલી મુદ્રા લોન યોજના(pradhanmantri mudra loan yojana) એ નાના અને સૂક્ષ્મ વ્યવસાયો માટે અત્યંત ઉપયોગી સાબિત થઈ રહી છે .આ યોજના હેઠળ નાના વેપારીઓ ,સ્ટાર્ટ અપ, કારીગરો ,મહિલાઓ અને બેરોજગાર યુવાનોને પોતાનું વ્યવસાય શરૂ કરવા અથવા તો વ્યવસાયને વિસ્ત્રાવવા માટે સરળતાથી લોન મળી રહે છે. મુદ્રા લોન યોજના નાના ઉદ્યોગો અને સ્વરોજગાર શરૂ કરવા માંગતા લોકો માટે એક સુવર્ણ તક છે. તેની સૌથી મોટી વિશેષતા એ છે કે લોન માટે કોઈ પણ વસ્તુ ગીરવે રાખવાની જરૂર પડતી નથી. જોકે આ લોન નો ઉપયોગ વિચારપૂર્વક અને યોગ્ય વ્યવસાય પ્લાન સાથે કરવામાં આવે તો જ તે લાભદાયી સાબિત થાય છે. નહીંતર ચુકવણીનો ભાર વધીને મુશ્કેલી ઊભી થઈ શકે છે, જો તમે નાનો કોઈ પણ બિઝનેસ શરૂ કરવા માંગતા હોય કે જુના વ્યવસાયની આગળ વધારવા ઈચ્છતા હોય તો મુદ્રા લોન એ એક સારો વિકલ્પ બની શકે છે .તો આલેખમાં આપણે મુદ્રા લોન ના ફાયદા અને તેની મર્યાદાઓ વિશે વિગતવાર માહિતી મેળવીશું.
દરેક યોજનાની જેમ મુદ્રા લોનના પણ કેટલાક ફાયદા અને કેટલાક મર્યાદાઓ એટલે કે નુકસાન રહેલા છે, જે આપને આ લેખમાં નીચે મુજબ જાણીશું.
Table of Contents
✅ મુદ્રા લોન ના ફાયદા
1 .કોઈ પણ વસ્તુ ગીરવે મૂકવાની જરૂર નથી
- મુદ્રા લોન સંપૂર્ણ પણે કોલેટર ફ્રી છે એટલે કે તમને લોન લેવા માટે કોઈપણ મિલકત સોનું કે કોઈપણ વસ્તુ ગીરવે મૂકવાની જરૂર પડતી નથી
2. વિવિધ કેટેગરી મુજબ લોન મળી રહે
- શીશું (₹50,000) સુધી
- કિશોર (₹50,000 થી ₹ 5 લાખ સુધી)
- તરુણ (₹5 લાખ થી ₹10 લાખ સુધી)
- મુદ્રા લોન વિવિધ કેટેગરી મુજબ લોન આપતી હોય છે જેથી અરજદાર પોતાના વ્યવસાયના કદ પ્રમાણે લોન પસંદ કરી શકે છે
3. લોન લેવાની સરળ ઉપલબ્ધતા
નાના ઉદ્યોગકારો ,દુકાનદાર ,કારીગરો , ટેક્સી કે ઓટો ચાલકો , તેમજ ગ્રામ્ય વિસ્તારોમાં વ્યવસાય કરતા લોકો સરળતાથી આ લોન લઈ શકે છે.
4. સરકાર તરફથી મળતી સહાય અને માર્ગદર્શન
સરકાર દ્વારા લોન લેવા વાળાને વ્યવસાયિક શરૂ કરવા માટે અમુક પ્રકારની તાલીમ અને માર્ગદર્શનની સુવિધાઓ પણ આપવામાં આવે છે.
5. મહિલાઓ અને યુવાનો માટે ખાસ લાભ
મુદ્રા લોન યોજનામાં મહિલાઓને પ્રાથમિકતા સાથે લોન મંજૂર થાય છે અને વ્યાજદરમાં પણ થોડી રાહત મળી શકે છે
6. વ્યાજ દર તુલનાત્મક રીતે ઓછો
સામાન્ય રીતે બીજી કોઈ પ્રાઇવેટ લોન ની સરખામણીમાં મુદ્રા લોન પર વ્યાજ દર ઘણો ઓછો હોય છે ,જેથી સામાન્ય લોકો પણ આ લોનનો લાભ લઈ શકે છે.
7 રોજગાર સર્જવામાં મદદરૂપ
મુદ્રા લોન લઈને માત્ર વ્યક્તિ પોતે જ નાના સ્તરે બિઝનેસ શરૂ કરીને નહીં ,પરંતુ બીજા લોકોને પણ રોજગાર આપી શકે છે.
❌ મુદ્રા લોન યોજના ની મર્યાદા
1. મહતમ લોન મર્યાદા ઓછી છે
આ યોજનામાં મહત્તમ રૂપિયા 10 લાખ સુધી જ લોન મળી શકે છે, જે મોટા પ્રોજેક્ટ કે ઉદ્યોગો માટે પૂરતી નથી.
2. વ્યાજદર સંપૂર્ણપણે ઓછો નથી
કેટલીક બેંક સંસ્થાઓ વ્યાજ દર થોડો વધારે રાખે છે જેથી ચુકવણીનો ભાર વધી શકે છ
3 બધા અરજદારો ને મંજૂરી નહીં મળે
બેંક અરજદાર ના CIBIL સ્કોર , અગાઉના લોન હિસ્ટ્રી, અને બીજા અન્ય દસ્તાવેજ ચેક કરે છે. જે અરજદાર ને બધું યોગ્ય હશે તેને જ લોન આપવામાં આવે છે. બધા ને લોન મળી રહે તેવુ જરૂરી નથી.
4 . EMI શરતો ખૂબ જ અઘરી
લોન લીધા પછી સમયસર EMI ચૂકવવી ફરજિયાત છે . વ્યવસાય નફા માં ન ચાલતો હોય તો લોન ચૂકવવા માં ખૂબ જ મુશ્કેલી ઉભી થાય છે.
5. પ્રોસેસીંગ માં સમય લાગે છે
ઘણીવાર અરજદારના ડોક્યુમેન્ટ ની ચકાસણી અને બેંકની આંતરિક પ્રક્રિયાને કારણે લોન મેળવવામાં ઘણીવાર વધુ સમય લાગી શકે છે.
6. ગ્રામ્ય વિસ્તારોમાં માહિતી નો અભાવ
ઘણા બધા ગ્રામ્ય વિસ્તારોમાં લોકો આ યોજના વિશે પૂરતી માહિતીના અભાવને કારણે તેનો લાભ લઈ શકતા નથી.
આવી રીતે ટૂંકમાં સમજીએ તો મુદ્રા લોન યોજના નાના ઉદ્યોગો અને સ્વરાજ સ્વરોજગાર શરૂ કરવા માંગતા લોકો માટે એક સુવર્ણ તક છે તેની સૌથી મોટી વિશેષતા એ છે કે લોન માટે કોઈપણ વસ્તુ ગીરવે રાખવાની જરૂર પડતી નથી જોકે આ લોનનો ઉપયોગ વિચાર પૂર્વક અને યોગ્ય બિઝનેસ પ્લાન સાથે કરવામાં આવે તો તે લાભદાયી સાબિત થાય છે નહીંતર ચુકવણીનો ભાર વધીને ઘણી બધી અન્ય મુશ્કેલીઓ ઊભી થઈ શકે છે
